المساعد الشخصي الرقمي

مشاهدة النسخة كاملة : العملاق حسين الساعدي-وبثوب الحزن متكمط اكماط



ما مرتاح
13-05-2013, 08:50 AM
وبذاك الشته ابنص البحر غاط!
حسين الساعدي



أنه ابثوب الحزن متكمط اكماط
رَضيع وبالمهد شفت الأذيه

فطموني ابلهيب العود شَخاط
حتى تستمر نيراني بيه!

جيراني الدفو بأذار وشباط
وتحموا على ناري السِريه

وبذاك الشته ابنص البحر غاط
أطفي النار شيطفيهه اليه!

زماني اويه الهموم ايصير مَطاط
بس بالفَرح يتقلص اشويه

ياما بالحزن كلبي اشكثر شاط
إمعلم عَلحزن صبح إومسيه

أشوف الناس تلبس قاط ورباط
وأنه ثوب الحزن لايك عَليه

وإذا واحدهم ابئيده الفرح حاط
أنه سيل الدمع واكع بديه

رغم كل الألم وأتزامط ازماط
وألاوي الزمن والدنيه سِويه


الشاعر حسين الساعدي

منقوول

سلام الدراجي
17-08-2013, 09:31 PM
عاشت ايدك وصح السانك قصيده ذو قافيتين رائعه مبدع