المساعد الشخصي الرقمي

مشاهدة النسخة كاملة : جهالي اجروح تبلع بالمناجيل! الشاعر حسين الساعدي



ما مرتاح
13-05-2013, 08:55 AM
شَسولفلك طحت
بين التماثيل!!
حسين الساعدي
http://www.klam-iq.com/vb/images/smilies/k.gif (http://www.alforat.org/)

اشتهيت اوياك أسولف صفنة الليل
صار اسنين ما ناسي الليالي!!

اِجت ناس اشكثر جَرت مَواويل
وبس مَوالك الضَل اعله بالي

جان ابضحكتك يتجدد الحيل
ولك تعبان هسه وشوف حالي!

ومنك ما بقت غير المراسيل
إومني غير دمعي ما بقالي!

شَسولفلك طحت بين التماثيل
ولا تمثال من عدهم وفالي!!

حتى المني بيه صاحلي حيل
ودَعالي بالكسر فوك الجرالي!

جَهالي اجروح تبلع بالمناجيل
إذا كبروا شَوكلهم جَهالي!!

لتلوم الوكَع لوصَيَح ادخيل!
إذا مسنود يوكف ما يُبالي!

وانته ابسكتتك ياصاحبي اِتعيل
سألتك ليش مَترد السؤالي!

إذا ما تحجي أصيح الويل ياويل
إشيمسح ذكرياتك من خَيالي!!


الشاعر حسين الساعدي

منقوول

سلام الدراجي
17-08-2013, 05:22 PM
قصيده رائعه سلمت يد الناقل والكاتب