المساعد الشخصي الرقمي

مشاهدة النسخة كاملة : قصيدة ( يشيعه انظلمت الزهره )



الشاعر شاكر الشمري
08-05-2009, 09:20 AM
مظلومه يازهراء



*************



الكللب امره ----- صفه جمره ---- يشيعه انظلمت الزهره



***************************************



دمعك عالجره والصار ------- ياشيعي بألم سيله



هذا الموقف المشبــوه ---- كللي شنهو تأويله



لمن ودع المختار -------- جلجل للكفر ليله



وجوه انكشفت بهاليوم ------- بالدين آمنت حيله



هذا الواقع المستور -------- مكشوف بأقاويله



بزيف جم قناع الطاح ------ وانفضحت أباطيله



سبب معروف -----هدف مكشوف ---- حقد بيهم على العتره



****************************************



ياشيعه دريتو الصار ------- يوم المصطفى غرب



طلع كرنه الشيطان -------- وبرماح الغدر احرب



جم ذيب التنكر بان ------- بانياب الحقد اعرب



بيت المصطفى بهاليوم ---- عجب صار وبعد اعجب



وعلنهه بصلافه الكام ----- وضوح الغايه والمأرب



كالوله الوديعه هنا ------ ما اثر ترى المطلب



عجيبه الصار ---- تشب النار ----- ونبيكم مانشف كبره



****************************************



يوم الهجمو على الدار ----- أي والله الدليل ارتاب



زمره من الضلاله اليوم ---- تنعد للنبي اصحاب



ظلمو لاعهد راعوه ------ من طه اعز احباب



صاحت فاطمه شتردون --- ومن عدهه الدمع سجاب



عصروهه الوديعه شلون --- بين الحايط ويه الباب



ومحسنهه الوكع عالكاع ---- وضلع منهه انكسر ونعاب



صدك محنه ---- يشيعتنه ------ المصاب اللي حدث وجره



****************************************



المصايب من تعدهه ---------- يشيب اكبر كللب منهه



على الزهره ودمعهه السال---- وحسرته وكثر ونهه



مكسورة خواطر دوم ------وفدك راحت غصب عنهه



وبعد محنة علي الكرار ---- بمراره وهم تعاينهه



يشيعه شكد لفتهه اهموم ---- ومن راح النبي جنهه



الفرح مامر عليهه يوم ----- صفه بس البجي فنهه



الجره عليهه ---- يخليهه ----- تجر حسره باثر حسره



*****************************************



نسو ليش النبي شكد كال ----- يوصي امته عليهه



هذي بضعتي ومني ------ يأذيني اليأذيهه



كفر ردت تراهي الناس ----- وجهاله بكل معانيهه



الاول مارعى حرمه ------ ويزيد البله ثانيهه



يويلي ماتت من الضيم ----- والف غصه وهظم بيهه



على الزهره يشيعه اليوم --- مآتمنه نخليهه



نصب ادموع --- وكللب مفجوع ---- ونصيح انظلمت الزهره



*****************************************



يويلي من اجاهه الموت ----- تكله لحيدره اسمعني



هاك اسمع بضع جلمات ----- وصيه ياعلي مني



بيدك ياعلي التغسيل ------ ونته اللي تجفني



ولا واحد يجي من الكوم ---- يصلي ولا يشيعني



يحيدر وبظلام الليل ------- سر وغفله تدفني



ظليمه حتى من اتموت ---- اسمع يلتناشدني



نظل للموت ----- نصيح بصوت ---- جرح لا والله مايبره

هاشم نجم
08-05-2009, 12:29 PM
احسنت عزيزي ابو محمود
قصيده قمه بالروعه بحق الصديقه الطاهره / ع
جزاك الله خير الجزاء
وجعلها في ميزان اعمالك
تقبل تحياتي

ام فيصل
08-05-2009, 02:52 PM
نظل للموت ----- نصيح بصوت ---- جرح لا والله مايبره


ابــد لا والله مايبـــره
صح لسانك عزيزي الشمري
وعظم الله لك الأجر باستشهاد بضعة المصطفى
وحليلة الوصي الصديقة الطاهرة
وجعلنا وإياك ممن ينالون شفاعتها يوم الدين
ولعن الله قاتليها - وغاصبي حقها


كلمات الهبت القلب بشجوها
جعلها الله في ميزان عملك
ولاحرمنا هذا القلم الراقي
تحياتي لك

أنثى شرقية
08-05-2009, 06:18 PM
وعظم الله اجوركم واجورنا بهذا المصاب الجلل
وعاشت اناملك اخوي الكريم ووفقكم الباري
تحياتي لكم

محمود الطائي2
08-05-2009, 06:53 PM
عاشت اناملك اخوي الكريم