المساعد الشخصي الرقمي

مشاهدة النسخة كاملة : شيخلصك بعد؟من يمي وين تروح؟



رنا العراقية
08-05-2009, 07:58 PM
قصيدة قراتها في احد المنتديات حبيت انقلها لكم لشاعر (برهان العراقي)للامانة الشعرية اذكر اسمه تحياتي لكم ارجو ان تنال اعجابكم:




شيخلصك بعد؟من يمي وين تروح؟
لوووو تبــچي مقـل ماأقبل أعذارك
شفــت چتال ابويه وماحچـيت أوياه
لإنـــي اليـــوم أريـــد وياك أتعارك
ماگتـــلك تعال إنت إعـتنيت وجيت
وبحلـــگي وغصب ذبـــيت جمارك
كافـــي تخــوني وتلبس هدوم الغير
أنه البيدي غسلت وصبغت زنجارك
تجرحني وأعوفك وأحلف آنه انساك
وأگول اختار غيرك وارجع أختارك
تحاسبني إعلى ذنبي وآنه مؤمن بيك
إذا حچــيك صدگ حاسبـــلي كفارك
عنــك بالدمــع اشگــف احجار إلغير
خايــب ليش تكسر جامي بحجارك؟؟
لاتجـبرني اكشفك واحچي بين الناس
وابين نقط ضـعـفك وافضح اسرارك
وأگللــــهم أناني وخايــــن وبــــذات
وشوفهــــم مكان العافـــه بســـمارك
آنه اول گصــب رادك منـــاجل بــية
وآنه اول خشـــب يتمـــنى منــشارك
بشــــجارك بنــــيت وهذا بـوم البـين
خايــف يبـــني عشــه برهبة اشجارك
إحرست فارك إمساهر من الف بزون
ليــش تخــلي عبــك يلــعب ابفارك؟؟
وهسه وشرد اسولف..عني روح ابعيد
بعـد مابــية اطــيقك واحــتمل نــارك
مســـحتك من دلـيلي بعــشر مساحات
وگطعت إذني لجــل مااســمع اخبارك
دور بالـــگلب من تلـــگه اسم إبلــيس
ذاك اليـــوم يمـــكن تلـــــگه آثــــارك
مثل حبـــنه گبل نتـــشارك إنــت تريد
إنـــت بلا وفــــى ومـــاريد نتـــشارك
گــــبل ســعرك چبــير بگلبي ماينقاس
وهسه بسـوگ گلبي إنخفضت أسعارك
إنهـدمت إنـت بعـد ياحكـمة تـنفع بيك!
مواعــــــظ دنـيـتك ماتكــفي لعــمارك



تحياتي لكم


رنو العراقية

ام فيصل
09-05-2009, 06:18 AM
الله الله الله عليج عزيزتي رنا
وصح لسانج ولسان الشاعر الراقي برهان العراقي
عاشت ايدج على هذا النقل والإختيار الرائع
وسلم لنا احساسك
دمتي بالف خير غاليتي
وبانتظار المزيد
وتحياتي لك

سلام الدراجي
09-05-2009, 08:22 AM
حتى في اختارچ للاشعار كلها عن الغدر والخيانه ليش؟؟ تحيه لكي رناوي قصيده حلوه وصور شاعريه جميله دمتي بعز وخير

هاشم نجم
09-05-2009, 08:31 AM
الله الله عليج يا رنا العراقيه
على الاختيار المميز والرائع
تحيه لكي وللشاعر برهان
تقبلي تحياتي

مصطفى الفراتي
09-05-2009, 08:56 AM
مشكورة
مشكورة... ......مشكورة.....................مشكورة.........مش كو رة
مشكورة.............مشكورة............ ..مشكورة............... مشكورة
مشكورة........................مشكورة ............................مشكورة
مشكورة... ........ ( مصطفى ألفراتي ) ...................مشكورة
مشكورة. ............تقبلي مـــــــــروري.... ............مشكورة
مشكورة..................................... ......... مشكورة
مشكورة.......................................مشكور ة
مشكورة................ ................مشكورة
مشكورة............. ..........مشكورة
مشكورة.......... .......مشكورة
مشكورة.....مشكورة
مشكووووووووووووورة ايتها الغالية وننتظر المزيد من الإبداع

أسامه الشاعر
09-05-2009, 04:41 PM
شكرا لك رنو وشكرا للاختيار الذوق

احسان الجنابي
09-05-2009, 06:38 PM
تحياتي الك ياسيدتي رنا لعراقية الجنابي

سهر
10-05-2009, 09:34 AM
الله الله الله عليج عزيزتي رنا
وصح لسانج ولسان الشاعر الراقي برهان العراقي

عاشت ايدج عمري

امير الاحزان:
10-05-2009, 11:19 AM
شيخلصك بعد؟من يمي وين تروح؟
لوووو تبــچي مقـل ماأقبل أعذارك
00000000000000000000000
حلوة نقولها للاموره رنا::لحسن الاختيار
دمت لنا اختي العزيزة 00ومشكورةمن كل قلبي

بلسم الروح
01-06-2009, 05:43 PM
تسلمين وعاش ذوقج

كلش حلو وتسلمين من كل مكروه ياغالية

شعر فى غاية الروعة والابداع