المساعد الشخصي الرقمي

مشاهدة النسخة كاملة : قصيدة الشاعر ابو محمد المياحي



مصطفى الفراتي
10-05-2009, 06:37 AM
متواعد وية الفرح والوعد صار سنين
لا مر علية بحلم ولا شفته شوف العين
يا صوب باب الفرح دلوني يمعودين
اخذلة مشية عرب سادة وربع طيبين
واعتذر من حضرته لو بدر مني الشين
كالولي من يا وطن انت وسكنكم وين ؟؟
ياهل الغريب شردت تنشد الفرحانين ؟؟
روح انزوي بعبرتك رافك الحزنانين
كلت اني شيعي النسب واسكن بكاع حسين
وكل يوم احن للنجف وال ما اله جفين
بكاعي جثير النخل وبيهة جرن نهرين
انا ابن ذاك الوطن ال كصدتة المحتاجين
وبعاصمة موطني بيهة زهت كبتين
جنوبي انا وهلي للضيف متلكين
رغيف امي اسمر حلو بسمرة البصريين
وبالناصرية الي ربعة واهل طيبين
عمارتلي انا وهلي بالغيرة معروفين
حلاوي طيب كلب ما خالطت وجهين
بارض الرميثة صرت وشهود الي العشرين
اهل الفرات اخوتي ال بالكرم موصوفين
لهجتي لهجة عرب لهجة الكوفيين
وبسامرا بيهة الي يل تنشد الي امامين
وعاصمة كلبي النجف وعنهة بعدني البين
موطن رسل موطني وموطن المعصومين
وللساعة تنشد علي وتكلي انت منين ؟؟؟
كالو عراقي كلت أي والحسن وحسين
كالو اندار الفلك واصبحتوا مذمومين
واهلك ال جانوا كبل بالخير شبعانين
مسهم العوز وصفوا يا وسفة جوعانين
موطنك بالذل صبح ذلوا البعثيين
ناشدت وين الفرح كالولي متاسفين
ممنوع حتى الفرح عن العراقيين
ممنوع حتى الفرح عن العراقيين
منقول

ام فيصل
10-05-2009, 09:17 AM
الله الله الله عليك يامصطفى
صح لسانك ولسان الشاعر المياحي
قصيدة جدا رائعة بمفرداتها واحساسها المؤلم بحق الوطن والشعب المظلوم
الف شكر لك عزيزي
ودام لنا هذا العطاء والإنتقاء الرائع
تحياتي لك

امير الاحزان:
10-05-2009, 11:34 AM
دام لنا رافدك العذب00
تسلم اخي بانتظار جديدك