المساعد الشخصي الرقمي

مشاهدة النسخة كاملة : مدرسة الستر(الزهراء العظيمه)



الشاعر علي الملا الخزاعي
10-05-2009, 03:34 PM
مدرسة الستر موسهله اطبهه اشلون
ودايخ بالقصيده اتريدني اعفيهه
لان شافت ظلع ومجلب اعله الباب
ظلع عالباب شافت شرد احاجيهه
القصيده الفاطمه وصعبه ابشرط تنكال
جم شرط بشرط بس كلت اسويهه
لازم ظلع عندي ودمع لازم باب
لازم بابهه ولازم بواجيهه
ودورت ابستر بس الدمع مفضوح
واذا اضم الدمع شيضم نواعيهه
وي كثر النواعي انجاب طاري احسين
وحرت لحسين اصدن لو اصد ليهه
هاي ام الحسن جامعة اهل البيت
ام المصطفى المصطفى امكنيهه
واذا ام المحمد فاطمه الزهراء
كلي ابيااسم هسه انه اسميهه
يمهه الخوف مايوصل يدك الباب
الخوف ايخاف من اتراب رجليهه
مدارس للستر للصبر للااخلاق
واذا جبت الكرم ينجاب طاريهه
مثل موجود عدنه الجود بالماجود
بالماجود حته الجود مربيهه
يالمعزبه ابظلعهه الباب والبسمار
اخذ هيجي مره اتعزب الماذيهه
وسفرتهه ابفرح مفروشه للخطار
الهله ابنور الوجه ماداعي تحجيهه
بعبايتهه اشكثر نسوان مستورات
سترت ناسهه وستر مااسيهه
نفس هاي العبايه اتصير خيمه وبيت
تالي الليل بس ايتام تلكيهه
ولادتهه ابستر وانطيك الف برهان
مو انه الروايه الخصم يرويهه
تسولف وي خديجه وتعرف الميلاد
كالت راح اجي البيبان اقفليهه
عاشت بالستر حد مالفاهه الموت
اولهه الستر والستر تاليهه
حكمة ربنه هاي الكبر ماينشاف
ربك راد محد يقترن بيهه
شسميهه ستر لو صبر لو اخلاق
اسميهه حرت لا مااسميهه
مو بس انه خايف اذكر الزهراء
حته الستر خاف ايجيب طاريهه

سلام الدراجي
10-05-2009, 03:49 PM
ولادتهه ابستر وانطيك الف برهان
مو انه الروايه الخصم يرويهه؟؟؟؟
قصيده رائعه اللهم اجعلها في ميزان حسناتك
عاشت ايدك اخي الشاعر الخزاعي وبارك الله بك

ام فيصل
10-05-2009, 03:51 PM
اللهم صل على محمد وآل محمد وعجل فرجهم وفرجنا بهم ياكريم

عاشت بالستر حد مالفاهه الموت
اولهه الستر والستر تاليهه
حكمة ربنه هاي الكبر ماينشاف
ربك راد محد يقترن بيهه
شسميهه ستر لو صبر لو اخلاق
اسميهه حرت لا مااسميهه
مو بس انه خايف اذكر الزهراء
حته الستر خاف ايجيب طاريهه

ابو حسين
عطر الله انفاسك على هذه القصيدة الراائعة
بحق الصديقة المظلومة
احسنت عزيزي
وصح لسانك ولاحرمنا هذا الإبداع في صياغة الكلمة
وسلاسة المعنى
دمت لنا وأنالنا الله وإياك شفاعة ام الحسنين
وعظم الله لك الأجر باستشهادها عزيزي
تحياتي وتقديري

الشاعر علي الملا الخزاعي
14-05-2009, 04:04 PM
ولادتهه ابستر وانطيك الف برهان
مو انه الروايه الخصم يرويهه؟؟؟؟
قصيده رائعه اللهم اجعلها في ميزان حسناتك
عاشت ايدك اخي الشاعر الخزاعي وبارك الله بك
ممنون اخي الغالي

الشاعر علي الملا الخزاعي
14-05-2009, 04:06 PM
اللهم صل على محمد وآل محمد وعجل فرجهم وفرجنا بهم ياكريم



عاشت بالستر حد مالفاهه الموت
اولهه الستر والستر تاليهه
حكمة ربنه هاي الكبر ماينشاف
ربك راد محد يقترن بيهه
شسميهه ستر لو صبر لو اخلاق
اسميهه حرت لا مااسميهه
مو بس انه خايف اذكر الزهراء
حته الستر خاف ايجيب طاريهه


ابو حسين
عطر الله انفاسك على هذه القصيدة الراائعة
بحق الصديقة المظلومة
احسنت عزيزي
وصح لسانك ولاحرمنا هذا الإبداع في صياغة الكلمة
وسلاسة المعنى
دمت لنا وأنالنا الله وإياك شفاعة ام الحسنين
وعظم الله لك الأجر باستشهادها عزيزي
تحياتي وتقديري

اختي الغاليه ممنون والف الف شكر

شاكر الهلالي
20-05-2010, 12:25 PM
احسنت يا مبدع اخويه العزيز

قصيده رائعه وتستاهل الزهراء

تقبل مروري بموضوعك 0

زهير العقابي
20-05-2010, 05:02 PM
طيب الله انفاسك اخي الشاعر والله ابدعت
اعطيت وصف راقي وبدعت معه في جمال كلماتك
هذا هو التوفيق الذي اراده الله لك فهنيئا لك
اسأل الله ان توضع هذه القصيده في ميزان اعمالك
وتكون بحق الزهراء شفيعه لك...لك الف تحيه وابداع دائم وانا شخصيا اتمنى ان اقرأ لك ....شكر لك
وشكرا لتقبلك مروري

اخوك زهير العقابي