المساعد الشخصي الرقمي

مشاهدة النسخة كاملة : وصفه بدويه



علي الغنيمه
17-05-2009, 11:36 AM
تنطرتك غصن ذبلان وانته الماي
واظن عزت عليك الروحه والجيه
غيابك طال وظنوني كصن وياي
وجرح فركاك صدك ماغفه اشويه
لجلك غالطت نفسي وكلت شراي
وياما بطيوف الجذب شلتك بديه
بعدني شماطفح ظلمك يطول اغناي
واجرحسره اعله شوفك تنخب الريه
تعال وبالجذب كدام عين اعداي
مر مرة غريب وشوفني اشبيه
شماتي جثيره وماتشوفك جاي
كالولي اناني وخابط النيه
وبيوم الحساب اذنوب عندي اهواي
وتشفعلي محبتك لو طفح بيه
كلت اهواك وبشوفتك دنياي
يالشوفة اعيونك وصفه بدويه
انته من دون البشر عينك سماي
وكل غيوم الغيض فرغهن عليه
تهمل اعيوني دفن صبح ومساي
والدمع جمرات من ناري السريه
ياحبيبي ارجوك رسيني اعله راي
لوتجيني ؟؟
لو بعد مابيك جيه
لوتجيني لوبعد مابيك جيه ؟؟؟؟
********************************

ام فيصل
17-05-2009, 01:04 PM
بعدني شماطفح ظلمك يطول اغناي
واجرحسره اعله شوفك تنخب الريه
تعال وبالجذب كدام عين اعداي
مر مرة غريب وشوفني اشبيه

ايها الرائع
بوح مميز كما عهدناك
وكلمات تنطق روعة واحساس
شكرا لك يبو حسين فلقد افتقدنا هذا الجمال
ولاحرمنا اطلالتك
دمت بخير عزيزي

سلام الدراجي
17-05-2009, 05:05 PM
والله وحياك ياشاعرنا قصيده رائعه امتعتني كثير تحياتي لكم دمت بخير

محمد السوداني
18-05-2009, 02:33 AM
صح السانك وعاشت ايدك قصيدة رائعه بوركت اخي العزيز

تقبل تحياتي وتقديري

علي الغنيمه
24-05-2009, 10:02 AM
شكرا للجميع مروركم الغالي وممنووووووووون