المساعد الشخصي الرقمي

مشاهدة النسخة كاملة : قصيده \ والكعبه اكفر بيك



سلام الدراجي
17-05-2009, 07:05 PM
والكعبة اكفر بيك

إذا حبك لفاني بضلمه هاي الليل

أضل وياك انه بليل ضلمتنه

تانيتك عمر وسنيني چأنت ظيم

ومن شفتك شفيت وشفت علتنه

انه ألچنت أدور أعليك عمري الضاع

باوع بس علينه ارجوك لو فتنه

ولان أنت أصبحت ضلي وأخاف أعليك

حاير يا الحبيب شلون إذا متنه

انه ألما صحيت ودوم فاقد بيك

بالكأس انه أشوفك دمعه شربتنه

ياريحه مسك والمسك حطك بيه

حتارينه بمسك لو بيك شمتنه

ياعيد اليتامى وفرحه امتانين

ياگاع العطاشه تأني مطرتنه

هاذا انه وأضل اتنطرك ملهوف

ياصدر الحنين عليك نومتنه

من انه أضمك مدري شفتك وين

كلك أنت شفه وأنت قبلتنه

وإذا انه تهت بجروحي صارت وين

أبنارك احترك يامحلى حركتنه

بس من أنظلم (والكعبة اكفر بيك )

من رمشك اعلگك شوف قسوتنه

بس انه انصحك بالعدل جر وياي

ولا اتجرب قسوتي وهاك بوستنه

وإذا أنت تكولن سادي انه وياك

مازوخي أصبحت وتريد مصتنه

تتمتع أعذبك وأنت تصرخ زيد

يااجمل عذاب وچأن لذتنه

ياسهري وعذابي وشربي تالي الليل

يااحلى القصايد هاي قصتنه



الدكتور

سلام الدراجي

رنا العراقية
17-05-2009, 07:18 PM
من رمشك اعلگك شوف قسوتنه
بس انه انصحك بالعدل جر وياي


عاشت ايدك بس ها ي القصيدة اتخوف

هاي قصيدة رعب
وقسوة





وتعليك من الرمش


المهم صح اللسانك لازم اكو قسوة

خد وعين

تحياتي العراقية

محتاره
17-05-2009, 07:34 PM
الله الله

مشكووور اخويه على هذه الكلماتــ الراااائعه

عاشت الايااادي

مودتي

محمد السوداني
18-05-2009, 02:51 AM
السلام عليكم

والله وصح السانك وعاشت ايدك يا شاعرنا العزيز
الاخ الغالي سلام الدراجي قصيدة اكثر من رائعه من شاعر اروع بوركت ودام لنا نبض قلمك الحي

تقبل تحياتي وتقديري

لبوة
18-05-2009, 07:24 AM
ولان أنت أصبحت ضلي وأخاف أعليك
حاير يا الحبيب شلون إذا متنه
انه ألما صحيت ودوم فاقد بيك
بالكأس انه أشوفك دمعه شربتنه
http://www.imagefreehost.com/files/17122007/wd1292948912.gif
والدي الغالي قصيده رائعه
فيها قسوه جميله ورومانسه اجمل ...
لقد جمعت الاثنان بصوره رائعه
تمنياتي لكِ بالمزيد من الابداع
تحياتي لكِ

أسامه الشاعر
18-05-2009, 07:55 AM
الغالي الدكتور سلام
قصيده جميله وسلسه ولاتوجد بها قساوه كما تصوروها
بل هي غزل شفاف ولكن من نوع اخر وانا هكذا اراها
دمت ودام نزف قلمك

بلسم الروح
18-05-2009, 08:09 AM
شنو هالكلام القوى قوى كلش قوى والجمال الى شايلتة هاى القصيدة

جمال رهيب يعنى ذوق ذوق ذوق ياذوق

عجبتنى بشكل لا يوصف يعنى دخلت بكلبى بدون استاذان

ومااصور تطلع

عاشت ايدك بلسم الروح

ام فيصل
18-05-2009, 08:32 AM
كنت -- ومازلـت -- وستبقى فارس الكلمات
احسنت - وصح لسانك على هذه القصيدة الثائرة بالحب والعشق
دمت -- ودام لنا صدق الإحساس
تحياتي للفارس

سلام الدراجي
18-05-2009, 05:56 PM
من رمشك اعلگك شوف قسوتنه

بس انه انصحك بالعدل جر وياي



عاشت ايدك بس ها ي القصيدة اتخوف


هاي قصيدة رعب
وقسوة






وتعليك من الرمش



المهم صح اللسانك لازم اكو قسوة


خد وعين


تحياتي العراقية




رنا ردك اضحكني لا تتصورين انه قاسي بس هذا خيال شاعر هذا من ناحيه
من ناحيه ثانيه كما يقول الممثل سلوم حداد في مسلسل الزير سالم
(انا لم اعد اخيف النساء )عمر وتعده؟؟؟؟؟؟لا يفلان تحيه لك لا تضوجين

سلام الدراجي
19-05-2009, 05:56 AM
الاخت محتاره انت الرائعه بردك عليه تحيه لكي من القلب

وليد المهندس
19-05-2009, 06:12 AM
قصيده غايه في الروعه
انت مبدع..... مبدع

أمــــيــر الـــغـرام
19-05-2009, 07:28 AM
يسلمووووووووووووو يا وردة كلمات روعة

سلام الدراجي
19-05-2009, 03:54 PM
شكرا محمد السوداني كلام يدخل السعاده الى قلبي دمت لي اخا عزيزا

سلام الدراجي
19-05-2009, 04:52 PM
ابنتي لبوه الغاليه ردك اسعدني وافرحني كثيرا اتمنى لكي السعاده والنجاح بوركتي

احسان الجنابي
20-05-2009, 03:37 PM
اخي الحبيبي محمد السوداني خلينا نصير احرار في طرح الردود بس الحمد لله مكان ردي
فيه اي شيء يخالف مبادى المنتدى وشكرا لك

///////////////////////////////////////////////////////

السلام عليكم

الاخ العزيز احسان الجنابي اولأ لا داعي للعصبيه,
وأنت حر بما تطرحه من مشاركات ( ردود - ومواضيع )
وانا ذكرت سبب الحذف تحفظ على بعض المفردات .
ارجو ان الفكرة قد وصلت
تقبل تحياتي وتقديري

سلام الدراجي
20-05-2009, 03:40 PM
اخي اسامه افخر بردك لانك شاعر واتقبل نقدك امام الجميع شكرا لمرورك العذب دمت بخير

سلام الدراجي
20-05-2009, 05:07 PM
شنو هالكلام القوى قوى كلش قوى والجمال الى شايلتة هاى القصيدة

جمال رهيب يعنى ذوق ذوق ذوق ياذوق

عجبتنى بشكل لا يوصف يعنى دخلت بكلبى بدون استاذان

ومااصور تطلع

عاشت ايدك بلسم الروح

اختي بلسم شكرا لهذا الكلام الجميل وهذا من ذوقچ
الف شكر وبارك الله بك دمتي بخير

سلام الدراجي
21-05-2009, 06:57 AM
ام فيصل دائما منوره بوجودك معنا وردودك الجميله دمتي لنا بخير

شاعر غرام
21-05-2009, 07:46 PM
دكتور ليس بالطب فقط
ولاكنك دكتور حتى في كتاباتك

تقبل تحياتي يامبدع

سلام الدراجي
21-05-2009, 07:56 PM
الاخت سهر
الاخ احسان الجنابي
بالرغم من ان ردودكم حذفت من قبل المشرفين ولم اتذكر لماذا ؟ واعرف الاسباب اني اشكركما لردودكم الطيبه وجزاكم الله الف خير وبارك الله بكم

سلام الدراجي
22-05-2009, 07:24 AM
الاخ امير الغرام مرورك اسعدني شكرا لك اخي العزيز

سلام الدراجي
23-05-2009, 01:36 PM
الاخ وليد المهندس شكرا للمرور الكريم دمت بخير

سلام الدراجي
24-05-2009, 03:55 PM
الاخ شاعر غرام مرورك اسعدني بارك الله بك دمت بخير