المساعد الشخصي الرقمي

مشاهدة النسخة كاملة : المراجيح00التي علقتنا



أنثى شرقية
20-05-2009, 09:14 AM
المراجيح
****

****
***
**
*


آنه بعين النفس ماعندي تقصير



وعلى ادروب الصراحه امعلّم الذات



أبد ماداس.. جدمي بحـافر الغير



أضيع وهيه تندلني المسافات


ربيت 000وماربت وياي الضنون


الحقيقية00وياي تمشي الأيد بالأيد


عاقل00 بس أعيش ابخلك مجنون


وأجلب 0000باليالي أشلون ماريد


كصير ابطولي لأكن ماصرت دون


الجبل شمرة عصّه بعين الصواعيد


شلت حكمه وعليهه أمربي العيون


العنب 000قمة جماله من العناكيد


خلك عندي مثل خلك 00النواعير


وكلب واسع مثل كلب 0المحطات


وشم بيه الصبر000راسم تعابير


وعلى كصتي الشرف راسم علامات


جبتهه اويه الوكت سود أحلى من سود


ورفكتي اويه الفرح رفكت سوادين00؟


جبل ثوب الحزن بجتافي مشدود


مثل شد00العلك بيد المجانين


أكابر علدمع 00وتهزني الخدود


أوكل00 للعين ابجي ابركبتج دين


ما أحب الحياه لوصارت اوعود


وعلى اخيال الشمس ماأعلك العين


أكبر بلحجي لو00 صار00تزغير


اولا 00احجي بملامه اكبال شمات


صرت يوسف نعم 00بس ماصرت بير


ولا00 مره ضميري من الوكت مات


حرز00بيدي شلت جويات الأيام


وخيطت الشفايف خافاً 00أتصيح


وصرت دمعة أمل بعيون الأيتام


مو000دمعة غوه بعين التماسيح


صبرعلظيم بيه بكل كتر00ظام


أواكف00مثل شمعه أمعاند الريح


آنه اللاعب عمر بخيوط الإعدام


ونته اتريدني اقنع 000بالمراجيح


تره الدخان بيدك خيط ميصير


ومودربي درب غيري المتاهات


وبسّك ... لا تلون بلتصاوير


حلم غيري غريب بعيني ميبات


غروني وماشروني وماكلت صار


ولا00مره بعت مثل اليبيعون


صدك ماعندي بس لومرني خطار


دمع المستحه00ينكلب ماعون


هله00ابوجه اليجيني اتصيح الدار


وطبع شفتي أبد مايعرف اشلون


وذا000فرعون وكتي أكبالي يندار


آنه عصاة موسى بعين فرعون


مااصيرن حطــــب يم التنانير


ولا00أصيرن ثلج فوك المنصات


على اجتاف القوافي أمنسرج اتغير


وأخلي القلم بيدي يصيح هيهات


الشعر عندي قضية وصوت وجدان


وشرف ما000شالته حته السلاطين


ولأن شايل ضميري ابداخلي انسان..


على جروحي تجي اوتبجي السجاجين


آنه احروفي خبز000 للكال جوعان


وحلم مو000بس تفاهات وعناوين


على يا 00حرف جاي اتصير سجان


السجن 000حريه بعيون المجانين


مثلك مـــا حلت بيدي التقارير


ولاخفن اجدامي اعله الخرافات


ولا .. لوث ضميري اسم الدنانير


وأبد مالونت وجهي الشعارات


شلت حب العراق آيات بلروح


وأمس من باعته أمثالك شريته


ولأن هوه الضوه من شفته مجروح


خيطت العيون0000وما بجيته


ولو ماصار بيتي وبابه مفتوح


بس كلبي انفتحله وصار00بيته


مثلك ماتركته وعفته 00مطروح


وكبل00ميصيحني اركض اجيته


العراق جبير بس بعين الجبير


اوباجر جرح شعب يصير ايات


اوترد علشجرة وتغردالعصافير


وتغني 00بعشك ليلى الحظارات

******
****
***
**
*

منقوول

حيدر القريشي
20-05-2009, 02:18 PM
اختيار موفق
وكلمات اكثر من رائعه
دام لنا هذا التالق والابداع
تقبلي تحياتي اختي الفاضله
ودمتي بحفظ الباري

الشاعر ماجد الدعمي
20-05-2009, 02:31 PM
شكرا احلام الغاليه
وشكرا لهذا التألق والاختيارات
الموفقه دائما كما عهدناك
مميزه بحضورك وبمشاركاتك
الرائعه

سلام الدراجي
20-05-2009, 04:54 PM
احلام ادمعتي عيني قصيده احلم ان اكتب بمستواها رائعه بارك الله بك ابنتي ويحفظك الله من مكروه دمتي بخير

أنثى شرقية
23-05-2009, 09:46 AM
شكرا لكم ولتواجدكم الذي يسعدني كثيراا ويبعث في نفسي الامل والطمئنيه من خلالكم ارتقي
ودوم التواصل ياربي
وربي يوفقكم ويستر عليكم
اخواني وبابا ماجد