المساعد الشخصي الرقمي

مشاهدة النسخة كاملة : الوطن



ابو سرمد السماوي
21-05-2009, 08:44 AM
الوطن من ينبني___ كل الايادي ايريد
ويريد همة زلم _____العمل عدهم عيد
ويريد فكر وعقل
المطرقه بلا عقل__لاتنفع ولا اتفيد
العقل يرسم وطن
معمل وماي وسكن
وهلال مال العيد
اكراد وي العرب__مشدوده ايد ابايد
من حبهم الهالوطن انتاجهم ايزيد
ويصير جنه الوطن _بيه يكثر التغريد
__________+++______________
بالوطن كلنا سوى__للوطن كلنا اندين
من طلعت اول شمس__بالوطن موجودين
لا عرقي لا مذهبي لا طائفي لا دين
اخوه نظل للابد__كل احنا متحدين
وايدينا تبقى سوى__ مشدوده ايد ابايد
__________+++_________________
الباك بسمة طفل__ خل نوكف ابحده
واليحجي بالتفرقه __خل نوكف ابضده
والاجنبي من اجه__خل نسال اشعنده
انجان يبني الوطن نوكفله ونسنده
وانجان بوك الوطن__منه نكص الايد
__________+++_________________
موكافي دم وقتل_ _مو كافي التشريد
خل ننتبه للوطن__ انشوف الوطن شيريد
وخل نلغي المحاصصه من دفتر التجنيد
وعراك واحد يظل__ التجزئه ما اتفيد
وبزنود كل الزلم نبني عراق اجديد
وبزنود كل الزلم نبني عراق اجديد










-

ام فيصل
21-05-2009, 12:29 PM
وبزنود كل الزلم نبني عراق اجديد


صح لسانك عزيزي
كلمات رائعة - ومعاني جميلة تحمل روح العراقي الأصيل
بارك الله فيك على هذه الروح الوطنية
بالتأكيد بجهود كل الخيرين يتعمر الوطن
وبيكم يعله يالنشامه

شكرا لك على كل كلمة نثرتها هنا
ودام لنا هذا العطاء عزيزي
وتحياتي للسماوي

حيدر القريشي
21-05-2009, 07:33 PM
صح لسانك اخويه السماوي
واد لنا هذا العطاء المديد
تقبل مني خالص الود والتقدير
مع ارق التحايا

ابو سرمد السماوي
21-05-2009, 08:34 PM
اختي العزيزه ام فيصل _اخي العزيزحيدر القريشي اشكر لكما مروركمابقصيدتي واتمنى لكما الصحة والموفقيه وعلى امل القاء في مواضيع جديده
اخوكم ابو سرمد

امير الاحزان:
22-05-2009, 03:11 AM
صح السانك اخي الغالي
0000000000000هكذا نبني الوطن
وانشاء الله نبديه بسواعد النشامى
تحياتي 00بانتظار جديدك

محمد السوداني
22-05-2009, 04:19 PM
الوطن من ينبني___ كل الايادي ايريد
ويريد همة زلم _____العمل عدهم عيد
ويريد فكر وعقل
المطرقه بلا عقل__لاتنفع ولا اتفيد
العقل يرسم وطن
معمل وماي وسكن
وهلال مال العيد
اكراد وي العرب__مشدوده ايد ابايد
من حبهم الهالوطن انتاجهم ايزيد
ويصير جنه الوطن _بيه يكثر التغريد



صح السانك وعاشت ايدك يامبدع
الف شكر لكل لكمة ونقطه وفاصله تنبض لحب للوطن
وضعفها لقلمك الذي اثرى المنتدى بجميل النص
بوركت اخي وسلمت يداك
تقبل تحياتي وتقديري