المساعد الشخصي الرقمي

مشاهدة النسخة كاملة : أريد افرح يدنيا ويه اليفرحون



أنثى شرقية
23-05-2009, 11:01 AM
أريد افرح يدنيا ويه اليفرحون



أنا المليت كافي مرافج أحزاني



كالوا دنيتك بيها فرح و أحزان



كاعد وانتظر يا فرح ومتاني



يومية الحزن يجمل الأحزان



من دون ألخلك هالفرح ما جاني



وينك يالفرح اغلط ودك الباب



شعاتب يا فرح ضيعت عنواني..؟



شعاتب يا حزن.. مو كافي بسك عاد



ولك مليت مالك نية تنساني



شما ازرع يا دنيا وياج بس بالطيب



ازرع ورد.. شوك يصير بستاني



مليت الحزن والصدر مل الاه



وحتى الدمع ويه العين ملاني



اسلي الروح.. وابني قصور بالأحلام



ويه طرة الفجر ينهدم بنياني



اباوع والتفت خايف من الشمات



والشامت تعلك حتى برداني



ياسن الصفار شكثر ضحكك عيب



سهسهني الحزن فد نوب ضراني



سجين الحزن وذر بكايا الروح



لجزار الوكت بتراب باعاني



ماهمني الحزن وسنين كضه وياي



على حبل الشماته انوب شراني






منقووول

سلام الدراجي
23-05-2009, 01:55 PM
لي الشرف لن اكون اول من يرد عليك ابنتي احلام الغاليه قصيده ولا اروع منها بارك الله بك على الاختيار الجميل يحفظك الله من كل سوء دمتي بخير

أسامه الشاعر
23-05-2009, 02:27 PM
سلمتي يالغاليه للاختيار الجميل
يلمتي

أنثى شرقية
23-05-2009, 04:34 PM
اسعدني تواجدكم الكريم والمميز
دمتم بالف خير وصحه ودوم التواصل
لكم مني اجمل تحيه

امير الاحزان:
23-05-2009, 05:06 PM
أريد افرح يدنيا ويه اليفرحون



أنا المليت كافي مرافج أحزاني



كالوا دنيتك بيها فرح و أحزان



كاعد وانتظر يا فرح ومتاني



يومية الحزن يجمل الأحزان



من دون ألخلك هالفرح ما جاني


000000000000000000000000000000000000000000
احسك بهذا الكلام كما لو انك تشاطرينني الاحزان
او انك تواسيني00وتجاري دموعي المنهمله على الخدود
مشكورة اختي العزيزة0
ولا اراك الله مكروه
ويا رب دوم ايامك افراح

أنثى شرقية
24-05-2009, 11:29 AM
اسعدني تواجدكم الكريم والمميز
دمتم بالف خير وصحه ودوم التواصل
لكم مني اجمل تحيه