المساعد الشخصي الرقمي

مشاهدة النسخة كاملة : قصيدة للشاعر كريم الحاج فليح



محمد السوداني
24-05-2009, 12:37 PM
((منهي الأحلى))
ــــــــــــــــــــــ
منهي لأحله...هيه حلوه مدري بتهه العندي أحله
ثنينهن طحت أبهواهن....وحبهن بدلالي يحله
وحده شمس.. وكمر وحده
أي وحك البالعرش وحده تجله
ثنينهن بالروح سكنن
ويا عشك كلي الأمله
ثنينهن نمت بحظنهن
يا حظن دافي أعل أهله
ثنينهن عشت أعل حبهن
وبحظنهن كلبي صله
هنَ عيني ..هنَ كلبي.. هنَ روحي
وهنَ كل ضيم الأجلهن والله أحمله
هنَ ديواني ومضيفي
وهنَ هيل ..وكهوه هنَ.. وهنَ دَلّـه
ولو ألف وذره بهواهن كطعوني
أبكه أحبهن
أي وحك اللي وصل تحت العرش
.....القاب قوسين وتدله
شلون أعوف أنه الحبيبه
ويا حبيب الباع من الخوف خله
خل يذبحوني بهواهن
خلي دمعي يصب عليهن ...
من دمه ومن عيني أوشله
وخلي كلبي تبضعه سيوف وخناجر
وحده راح تضمده ..
و وحده بالأخره التشلّه
ثنينهن ذبت بهواهن
يا هوى البصره الحبيبه وياهوى وطيبة القشله
(((القشلــه: هي منطقه شعبيه في البصره))
ــــــــــــــــــــــــ كريم الحاج فليح ــــــــــــــــ
ـــــ العراق ـــــ

منقول

امير الاحزان:
24-05-2009, 12:42 PM
حلوه اقولها لك اخي العزيز محمد
ربي ينور دربك
بس اني اكول 00والله من دون ما اشوفهه
انته احلى00
ههههههههههههه
جميل اخي العزيز
امنياتي بالتوفيق
نقل رائع

سلام الدراجي
24-05-2009, 03:50 PM
احسنت ابو جاسم الورده تريد الصدگ انت الاحلى والاجمل تحيه الك

محمد السوداني
24-05-2009, 09:36 PM
الاخ العزيز امير الاحزان
والاخ العزيز سلام الدراجي

شكراً لتواجدكم الجميل ومروركم الرائع

لكم مني ارق التحايا