المساعد الشخصي الرقمي

مشاهدة النسخة كاملة : من خلد من



twfeek
24-05-2009, 04:11 PM
من أكتب شعر مضمونه للعباس
تخف بيه الجدم للشاطي وجروفه
ويعصرها الدمع لعيوني ويطيح
اسيره روحيتي واللون مخطوفه
امد جفي اريد الماي عطشان
يسجيني الفرات بطيبة جفوفه
ويسبجني القلم يتحده الافكار
تشيله الغيره بالدم يكتب حروفه
موصوره صوربيها الخيال يحير
فنان ورسمها بريشة طفوفه
اظل بحيرتي ياصوره اختار
اذاكل صوره منها بالف ملفوفه
صحاح وللمعاني اليتمتها الناس
ذبحتها غدر وبمسجد الكوفه
الغيره والشهامه والابه والجود
وصبر منه الجبل تتعذر جتوفه
فارس بالشدايد ماخذاه الخوف
والله الخوف منه ارتعد من خوفه
وجه الوجه حسره اجابها بيوم
وظهور السيوف السيفه مكشوفه
ياصوره الاخطها وبتدي منين
ومآثرها لكل الخلك معروفه
سبع الكنطره لو ساجي الماي
وبجفوفه العقيله الكون تتحده
لو حامل لوا لمن نخاه الدين
لو ظهر الحسين بساعة الشده
لو كولن كمروالكمر قر ابهاي
انواره اعترف ماخذها من خده
لو كولن اخو ما جابت النسوان
مثله وكل اخوّه ابابه تتبده
ياصوره الاخطها وبتدي منين
مآثرها لكل الخلك معروفه
الّه صوره سفها الباري بالعين
وبعينك تظل الصوره مسفوفه
على وجه الفرات منين مامريت
للعباس لازم عينك تشوفه

*************************
اعتذاري للانقطاع وساتواصل معكم بعد الامتحانات
انشاء الله ماتنسونه..................





توفيـــــــــــــق

سلام الدراجي
24-05-2009, 05:16 PM
شكرا توفيق للقصيده الحسينيه الجميله واتمنى لك النجاح بالامتحانات دمت بعز

امير الاحزان:
24-05-2009, 05:23 PM
مشكور عزيزي بالتوفيق انشاء الله
وربي يسهل الامتحانات لك والي
يارب يارب 00قولوا امين

ام فيصل
24-05-2009, 07:54 PM
رائع انت ياتوفيق
قصيدة مباركة
سلمت لنا يداك
ومدادك الرائع -- وكل الشكر لك على عطاءك الدائم وهذا الإبداع

دمت بخير عزيزي

twfeek
28-05-2009, 09:16 AM
عزيزي سلام الدرجي....شكرا لمرورك الرائع
والاروع دعائك ياربي السعادة ودمت لي.....
احترامــــــــــــــــــــــــي

توفيـــــــــــق

twfeek
28-05-2009, 09:18 AM
عزيزي امير الاحزان....دايم وياربي النجاح للجميع..اشكر مرورك الجميل...............
احترامـــــــــــــــــــــــــي


توفيــــــــــــــق