المساعد الشخصي الرقمي

مشاهدة النسخة كاملة : افتح باب كلبك



أنثى شرقية
25-05-2009, 10:10 PM
لا تبچي اعله عمرك والعوض بالجاي ..
شوف الدنيا هاي .. شبيها مابيها ..
گبلك هم بچيت .. وأيست مرات ..
بس شفت الدمع ميفيد تاليها ..
المرّن بيك كلهن .. هم اجن وياي ..
ونيران البگلبي .. ابدمعي اطفيها ..
أنه هواي البگلبي .. وياما شفت هموم ..
وبعض من السوالف خايف احچيها ..
عوف الماضي والله وداعتك ميفيد ..
شكثر گبلك بچوا والحزن غاطيها ؟!
وافتح باب گلبك للجديد وعيش ..
وادموعك لوكت العازة خليها ..
ميلوگ البچي لعيونك الحلوات ..
وحرامات الدموع الانته تبچيها ..
يل ما جربت بالدنيا مره اتعيش ..
وجبت عمرك حزن وهموم گاضيها ..
تعال وياي أورجك وانت عاين زين ..
وانثرلك همومي وانت ساويها ..
مخازن جوه گلبي من الهموم اشكال ..
واكابر على همومي ابضحكة اغطيها ..
اطلع وامشي واضحك واليصير يصير ..
واذا خايف الناس .. الناس شعليها ؟
ابدأ من جديد وسوي كلشي تريد ..
حياتك انت حر اشلون تبنيها ..
ولا يهمك حچي ولا تاخذ اللي يگول ..
عوف الروح تختار اللي يرضيها ..
القسه وي روحه ظالم .. وانت ابو الاحساس ..
معقوله القساوه البيك خافيها ..


منقول لعيونكم ...

حيدر القريشي
25-05-2009, 10:20 PM
قصيدة رائعه لا بل اكثر من رائعه
دام لنا هذا العطاء المميز
تقبلي تحياتي
ودمت بحفظ الباري

امير الاحزان:
26-05-2009, 06:47 AM
اطلع وامشي واضحك واليصير يصير ..
واذا خايف الناس .. الناس شعليها ؟
ابدأ من جديد وسوي كلشي تريد ..
حياتك انت حر اشلون تبنيها ..
ولا يهمك حچي ولا تاخذ اللي يگول ..
عوف الروح تختار اللي يرضيها ..
القسه وي روحه ظالم .. وانت ابو الاحساس ..
معقوله القساوه البيك خافيها ..
000000000000000000000
ان شاء الله لا وجود للقساوات بين المحبين
ولكن كلماتك اخذت تجرح فؤادي لما فيها من قساو في الكلام بحق الحبيب
جميلة هي انتقاءاتك00وفيها من المعاني مافيها
لكل نموذج في الحياة العاطفية
دمتي لنا ضخرا" اختي العزيزة
ولا اراك الله مكروه

أنثى شرقية
26-05-2009, 11:32 AM
اسعدني تواصلكم ومروركم الكريم والمميز دمتم بحفظ الباري
تحياتي لكم