المساعد الشخصي الرقمي

مشاهدة النسخة كاملة : احس تشتاكلى بكد الهوه والماى ****



بلسم الروح
28-05-2009, 01:29 PM
احس تشتاكلي بكد الهوه والماي
وآنه اشتاكلك اضعاف من عندك
واضن اهون رصاصه بكلبي حين اتصيب
ولا دمعة حزن تتمرجح بخدّك
انه المدّيت اديه بحلم ذاك اليوم
جن شفتك طحت واجفوفي التوسدك
انه الشفتك اكبالي باب للطيبات
عجز ريح الشماته بهبته ايسدّك
انه الروحي جفوف اتحوّلت للشوك
حبل من تنكطع تتعنّه واتشدّك
انه الجمّعت دمعي بيه اشربك دوم
اذا شفت العطش ضل ياكل بجبدك
انه الي من العشك كمت اوكف استعداد
لان كلبي على حبه بكل وفه مجنّدك
انه بروحي اضمّك خاف تفلت يوم
ماي ولو تبده منيدي شيردّك
فصّلت العمر خايف كصير ايصير
كدّرته وطلع ياصاحبي بكدّك
قفص كلبي دخلته شلون مدري شلون
بس ايّس بعد مايكدر ايهدّك
من مهدي احبك اضن يالمحبوب
واتحبني اضنن انت من مهدك
بس طلبه من الاهي اتصير كون بهاي
لوجتلك منيه اتوسّد بلحدك




________
منقول :66 (46)::66 (6)::66 (46):

امير الاحزان:
28-05-2009, 05:35 PM
اهات والام 00اوجاع شابها الحنين واللقاء
حتى اودي بها الى اللحد
0000000000000000
لماذا كل ذلك نطالعه في كتاباتك00؟ظ
امنياتي لك بالتوفيق
وربي يسعد ايامك

سلام الدراجي
28-05-2009, 06:16 PM
قفص كلبي دخلته شلون مدري شلون
بس ايّس بعد مايكدر ايهدّك

رائع ما تنقلين لنا بلسم قصيده جدا جميله بارك الله بك

رنا العراقية
28-05-2009, 08:05 PM
احس تشتاكلي بكد الهوه والماي
وآنه اشتاكلك اضعاف من عندك




هذا اذا اكو شوق

تحياتي الج