المساعد الشخصي الرقمي

مشاهدة النسخة كاملة : قصيدة بيني وبين نفسي



عمار الغزي
05-06-2009, 08:01 PM
بيني وبين نفسي شكد افكر بيك
واكول اشمعنى انت.. الشاغل اضنوني
مو اول عشك حتى
نشل الحال
ولا اول جمال اتشوفك.. عيوني
شجاها الروح
يمك ذبت الاسرار
وليش ارجف عليك ..وينخطف لوني
وحتى الناس
كامت تعرف بهالحال
وما اعرف.., شكلهم من يسألوني
يطبون بصفنتي
وعنك ايدورون
ويلگوني افكر بيك… يلگوني
وصاحت كلها صاحت
انت بگت افلان
ومو عندي لگوك.. وبيك تهموني
تهموني
بمحبتك والله لو يدرون
على ضيم العلي.. ايضل يواسوني
****
ما يدرون عايفني
بمهب الريح
وانه وياك.. عفت المايعوفوني
يحبوني اشكثر
والجيتي ايتانون
واخجل من كثر ما كام… يتنوني
عفت الي شروني
ومن ارد اشلون
هم اسوة بعد... والنوب يشروني
من سمعو اهلنة
العشك دگ الباب
ما خلوك اهلك ...واهلي خلوني
ما خلوك اهلك
حگهم يخافون
بس اهلي المحبتك ..شلع باعوني
منقول

شاعر غرام
05-06-2009, 11:01 PM
حلوووووووووووووو والله
تسلم يامبدع

عمار الغزي
06-06-2009, 01:25 PM
شكرا لكم احبائي على مروركم الكريم

محمد السوداني
06-06-2009, 04:29 PM
بيني وبين نفسي شكد افكر بيك
واكول اشمعنى انت.. الشاغل اضنوني
مو اول عشك حتى
نشل الحال
ولا اول جمال اتشوفك.. عيوني
شجاها الروح
يمك ذبت الاسرار
وليش ارجف عليك ..وينخطف لوني


الله الله ابيات اكثر من رائعة ومناجات عذبة احاسيسها وفي قمة الصفاء
بوركت اخي العزيز وسلمت يداك
تقبل تحياتي وشكري الجزيل لذوقك الراقي