المساعد الشخصي الرقمي

مشاهدة النسخة كاملة : اذا عاشرت .....



الشايب العراقي
06-06-2009, 09:03 PM
مشيت وگطّعت كل المسافات
بعد لاتنتظر من عندي رده


شلعت عيوني خاف تعيد الاسرار
وبچيت اسرار وي دمعي التبده


وگلت خاف المخده تعيد ذكراك
اعجبك شگگت حته المخده


بعد لو موزليخه تصير ماجيك
ولاگلبي السمح ينطيك وده


مالابس قميص بجلدي ظليت
ولو چفك خناجر ماتقده


شنو اليجبرني اصالح وانته زعلان
وتهديني دمع واهديك ورده


وشنو اليجبرني احظنك وانته سچين
تگطع حبل وصلك وانه اشده


تعذرني بعد ماارهم وياك
سيف المايهد عار عله غمده


ولاصير لحديدة سيفك گراب
وتحده بجرحي سيفك من تحده


اوصيك الحياة تريد خلان
اذا صاحبت صاحب لاتهده


واذا عاشرت غيري بهيده وياه
مو تدب چ دبچ كون اتهده


شده الماتلوحك باخر الليل
باچر وي صلاة الفجر شده

منقول