المساعد الشخصي الرقمي

مشاهدة النسخة كاملة : اليك ياجارحى @@@@



بلسم الروح
08-06-2009, 09:49 AM
انتهت قصة غرامي وكل ايامي معاك
وانتهت لحظات شوقي لك وتاليها قهر
وانتهت كل السوالف والعواطف في هواك
وانتهت ذيك الليالي كنت اقضيها سهر
وانتهت ليه انتهت كل المشاعر في غلاك
وانتهى كل شي بلحظة كنت تطعني غدر
لا تلوم اللي تحبك وكنت اتمنى وفاك
لا تلوم اللي عطت لك قلب ما مسه بشر
ولا تلوم اللي قتلها الهم من سبة جفاك
ولا تلوم اللي بكت لك دمعها كنه نهر
كنت اهديلك عيوني يا عيوني ما كفاك
كنت اتحمل غيابك واللحظة فبعدك شهر
كنت اموت انا بغرامك وكلامك وخطاك
كنت تظلمني وتخطي وانا ادور لك عذر
كنت تسكن في ظلوعي وبروحي مايسكن سواك
كنت كل شي بحياتي وكنت لي شمس قمر
كنت تجرحني بكلامك وكنت تتعمد تراك
وكنت تغيب عن عيوني وتتركني لحالي شهر
ليه خنت اللي تحبك وليه بعت اللي شراك
ليه تظلمني و تقسى وش هو قلبك يا حجر
ليه تغدر بي وتجرح وتنسى قلبن ما نساك
وليه تنسى تضحياتي وغرامي والشعر
أبسألك وش هو خطاي وش ذنب قلبن ما نساك
لو اعرف ذنبي وخطاي لأحفر لنفسي قبر
والا اضيع من البشر لدنيا ابعد من مداك
والا اتوه بغربتي والا اغرق بأعمق بحر
وش حدني على العذاب وش حدني على هواك
وش حدني على هموم زرعت فيني القهر
وش غيرك فجأة علي وش هو اللي مني جاك
وش حدني على المر غير اللي منه أمر
كنت احسبك لي الوفي وأرخصتلك روحي فداك
لو تبتسم افرح واشوف الدنيا بلون الزهر
كنت ابيك لي شريك وكنت ابي احيا معاك
وللأسف خيبت ظني فيك وضيعت العمر
ضحيت بالدنيا عشانك وفي الأخر قلبي بكاك
والحين انا ضحية حب ومالي الا الصبر
قلبي المطعون ينزف من سبايب سواياك
وروحي تتألم وتصرخ من غدرك والهجر
يا ضايع خسرتني وخسرت شمس في سماك
تشهد دموعي وعبرتي بعيون يغليها السهر
يكفي عذابي من غلاك ويكفي عذابي من جفاك
ويكفي همومي وحيرتي ودموعي وحزني صور
يكفيني اللي جاني منك ويكفيك اللي مني جاك
ويكفي تغربني معك في دنيا ما فيها مقر
هذا اللي كاتبه ربي اني اشقى معاك
وهذي قسمتي وحظي وهذا هو حكم القدر
و الحين روح ما عاد ابيك ولا ابي حتى طرياك
بودعك وارحل واشيل همومي وحزني دهر
بأنسى هواك واتناسى جرحك واتناساك
أنا عزوتي الكرامة وشموخى وبهم يحق لي اني افتخر..





منقول :66 (46)::66 (6)::66 (46):

حيدر القريشي
08-06-2009, 10:46 AM
قصيده رائعه
سلمت الانامل على هذا الانتقاء
المميز والرائع والجميل
وتقبلي تحياتي

عراقيه غيوره
08-06-2009, 11:31 AM
قصيده جميله


عاشت ايدج اختي
تقبلي تحياتي

سيوان
08-06-2009, 12:41 PM
حلوة هالقصيدة عشتي يااختي

ام فيصل
09-06-2009, 05:44 AM
قصيدة نبطية جميلة بمفرداتها
شكرا لك عزيزتي بلسم
على هذا الإختيار المميز
دام لنا هذا العطاء المتجدد
وتحياتي لك

مريم جبران عودة
10-06-2009, 09:34 AM
كنت اهديلك عيوني يا عيوني ما كفاك


\
\
\

حتى العيون لا تكفي هدية للحبيب


نقل رائع ومميز


اعجبتني القصيدة

شكرا لك