المساعد الشخصي الرقمي

مشاهدة النسخة كاملة : لاتغر بطولك ولو طولك بان



رفقا بقلبي
09-06-2009, 07:08 PM
كصر شوكك عليه وطال صبري عليك
وعله امثالك بعد ماترهم امثالي....

جنت مالي كبل من جنت تنزف شوك
بس هسه انتهيت وصرت مو مالي,

لاتنغر بطولك ولو طولك بان...
وعلى طولك عنب عشرينك يلالي

السعف هم عالي لكن مايشيل احساس
وعلى احساب الجذر ضل السعف عالي!

شتلتك بيدي لهفه وخضريت فراك
وعلى اخيال الشمس جنت اشتل امالي:

لتغرني بدمعتك ذاك كلبي انساه
مايشتاكلك صار الكلب خالي

اشك عيني برمح لو مره حنت ليك
واعميها اذا طيفك تعنالي,

جرف شالك ضميري وماشربتك ماي
وانه انزف عطش والصبر يبرالي...

بعد مايهز شوكك شعره من الروح
ولا عنك بعد تنسمع اشعاري؟

ولا احن المناير طولك المجنون,
ولا يم بحر عينك ينشده بالي

عرفت برخص شعرك والسواد البيه!
وعرف بليلمن ضل شمعك يلالي!!

وعرفت المن بعتني وياجفن غراك؟
وعرفت بيا ندى بدلت شلالي!!

كبر جرحك بروحي وبيا عذر يراف...!
ترس جسمي وصل ضل ياكل اخيالي؟

وشخصك باعني وماكرت انساه
شلته من الكلب بس زنجر بالي

جتالي انت وهسه جاي اتريد:
اغسل دم ركبتي بسيف جتالي؟

ولك جتالي انته شلون جاي اتريد...!
اغسل دم ركبتي بسيف جتالي!!!
0000000000000000000000000000000000
يارب تعجبكم مشاركتي البسيطه مع تحيااتي للجميع

ام فيصل
09-06-2009, 07:34 PM
الله الله عليك عزيزي
وعلى هذه الكلمات الرائعة
غزل بتمرد - وعتاب بشوق

مااجمل ماخطت يداك
عاشت ايدك
وتحياتي لك

رفقا بقلبي
09-06-2009, 08:02 PM
اسعدني كثيرا تواجدك ومرورك فوق صفحتي نورتي الصفحه ام فيصل