المساعد الشخصي الرقمي

مشاهدة النسخة كاملة : زهيريات



عراقي هواي وميزة فينا الهوى
03-11-2006, 10:22 AM
ذني الشفايف عسل واصل العسل من تمر
حتى ابغيابك حلو كلك حلو من تمر
ازرع ادروبك ورد ويخضرن من تمر
كون اوصل الركبتك واندك عليهه واشم
واكضي العمر ياترف بين الروايح واشم
ادريك ياحبيبي طيب وحلو واشم
بس اعتب عليج ما تســأل عليه من تمر

........

ياصاح كلبي اشكثر يامه تعب داره الك
واكطعهه لو عتبت رجلي وتمر دار الك
بديت كاس الوفه صدري الذي در الك
وشغيرك ياترف عني اشعلامه اشتصد
جي مو ذهب معدنك لو ذهب جا ماتصد
تنصبلي بيدك شرك ومتاني يمته تصد
اشلع دليلي شلع لو فكر ودار الك

......

على الكلب جلمه توب بصخام وابره ودك
دك بيه دكه نذل ما اصير مثله ودك
على الراح ادك راحتي وعلى الكصه الطم وادك
من حيث لن العشك صار اعله **رت عود
والمشكله بالكلب هوه اليكلي عود
ومن جار بيه الوكت عبالك ارجع عود
والله من ابيع الهدم ما اوصل البابك ودك

ام علاوي
26-11-2009, 07:52 PM
الله الله ياابو الغيث راااااااااااائعه جدا
سلم لنا هذا العطاء
دمت عنوانا للابداع والتألق عزيزي
لك اجمل التحايا
كن بخير

سلام الدراجي
27-11-2009, 11:57 AM
يابه والله ازهيريات اتخبل
تسلم اخ ابو الغيث
ودام لنا بوح قلمك المميز
لك ارق التحايا
وكل عام وانتم بخير
تحياتي

امير الاحزان:
27-11-2009, 04:59 PM
ياصاح كلبي اشكثر يامه تعب داره الك
واكطعهه لو عتبت رجلي وتمر دار الك
بديت كاس الوفه صدري الذي در الك
وشغيرك ياترف عني اشعلامه اشتصد
جي مو ذهب معدنك لو ذهب جا ماتصد
تنصبلي بيدك شرك ومتاني يمته تصد
اشلع دليلي شلع لو فكر ودار الك
*************
هااي شنوو
لعد وين كنت كل هل المده علينه اخوي ابو الغيث
وربي ازهيريات جدا" رائعة
اتمنى لك دوم التواصل معنا وامتاعنا بكل ماهو جديد ورائع
دمت بحفظ الباري الديان
وكل عام وانت بالف الف خير