المساعد الشخصي الرقمي

مشاهدة النسخة كاملة : ابوذيات قديمة عسى ان تقراء من



عراقي هواي وميزة فينا الهوى
19-11-2006, 09:42 PM
ابوذيات قديمة وحديثه عسى ان تقراء من قبل الاعضاء والحبيب







حيره ابياسجيه أمتدح وصفى
أنقى امن الذهب والماس واصفى
أعلى امن الوصف والمدح وصفى
ابكل خصله حرت وابكل سجيه


حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه


أسنونك بيض لون الوفا بيهن
أودواليبك وفر بيهن
لون جنحان عندي وفر بيهن
وجيك أبليل جد تطري عليه


حبيبي أومهجتي أودنياي ونته
ترى المالوم صعب اهواي ونته
يصاحب تاه مني القلب ونته
بس لو صادفك تلقاه إليه


حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه


ليش انته على الحبوك تنحال
وظلوعي ابيوم شال الظعن تنحال
إلك عقده ابدليلي عيب تنحال
لما يطلع جديد الشيب بيه


حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه


غياب اجفاك لرموشي لجهنا
عميت أوروح ماعادت لجنها
وحقك غالي او دمعي لجنها
ارخصت من يوم شح وصلك عليه


يناهي جوز عن هالطبع وتراك
ومثلك منوجد بالعرب وتراك
خذك نار لوفانوس وتراك
وشعرك ليل والقصه ثريه


هذا اللي لعند اعضاي هد هد
ملهي وابد ماينصاد هد هد
اكله اقرب يقلي ليك هد هد
ارفع مشتهاك اشتظن بيه


يكت دمعي بيابي دمى واجفى
إلى ويا الخان يوم الحشر وجفى
انجان انته وليفك زعل وجفى
أنا ولفي نكرني أوخان بيه


أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه


اندهني هم اضربك بيس واجراك
وعساك ابمثل حالي أتصير واجراك
يجي يوم الوجر فوق واجراك
واهلس ريش جنحانك بيديه


يصاحب لو تشوف اشلون كتماي
على عيوني ويسح الدمع كتماي
اشما اقل للروح سر الهوه كتماي
تحن وتهيج الساكن عليه


روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه


عفاني جيف الى مهجه ولي روح
اداري بالعلل كلها ولي روح
ماني بحال من يبكه ولي روح
ابحالك يالقطعت الوصل بيه


لطـــب البـيـتـكم وابــــــــوق واسطي
وابـــوق أمن القـــــلاده ذهب واسطي
حسافه شفت طولي أو ماشفت وسطي
وســــــــطي كــله أقـــمار أو نور بيه


ابكـــثر مانوح ملوني يراني
طحت والشــامت ابعينه يراني
يخوتي السبع مـن جسمي يراني
اكبال اهلي وعمامي اتشوف هيه


روحي والهوى ودنياي وعداي
علي وشلون اشيل الجدم وعداي
صابر وانتظر واشـوف وعداي
ابفرح لو دوم وكـتي محيط بيه


من وجدي لهـيب الشـــوك ورباي
نديمي وعلى ادروبك اصد ورباي
ابن كلبي وضـوه للبــــيت ورباي
فرح شوفـتك من تخـــــطف عليه

رفيع التهذيب
17-12-2006, 04:05 AM
ابيات جميلة يا ماجد وانا عضو جديد معكم ارجو ان تتقبل الرد

فراشة الكويت
23-12-2006, 05:15 PM
مشكور اخوية العزيز
بارك الله بيك
وان شاء الله انشوف منك المزيد
اتمنى الك كل التوفيق

Mr.YoYo
28-12-2006, 10:06 AM
دومك مبدع
مشكور حبي ماجد
تحياتي لك

y_n_d69
19-08-2009, 04:45 PM
أسنونك بيض لون الوفا بيهن
أودواليبك وفر بيهن
لون جنحان عندي وفر بيهن
وجيك أبليل جد تطري عليه





ابوذيات روعه والله يعطيك العافيه وتقبل مروري اخوك: :66 (46):ابو سمره:66 (46):

الوردة الجورية
19-08-2009, 04:50 PM
أبيات رائعة وكلمات قمة في الروعة والجمال تقبل مروري المتواضع مع تحياتي وتقديري

امير الاحزان:
19-08-2009, 05:03 PM
حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه
............................
فيض من المشاعر صاغها يراعك الذهبي
على شكل تراجيدا ..
كان لكل نص من نصوصها فنان تحدث بلغة نرجسية
واحاسيس..تتحدث عن الماضي القريب البعيد
من نحيب وانات الابوذية..الرائعة
بوركت اخي الغالي..لهذه الالتفاته الحلوه
ربي لايحرمنا من جوكر منتدانا الغالي

بلسم الروح
28-01-2010, 09:30 AM
حبيبي أومهجتي أودنياي ونته
ترى المالوم صعب اهواي ونته
يصاحب تاه مني القلب ونته
بس لو صادفك تلقاه إليه

الله الله روعة

وحدة احله من الاخرى

تسلم الايادي وبأنتظار المزيد من الابداع

تحياتي

شاكر الهلالي
29-01-2010, 10:24 AM
ابيات غايه بالروعه اخي العزيز

احسنت احسنت تقبل اصدق تحياتي 0

فراتيه انا
30-01-2010, 11:18 AM
حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه

صح لسانك عزيزي
كلمات في غايه الاجمال والروعه
ننتضر منك المزيد
دمت بخير

عمار الغزي
31-01-2010, 12:17 PM
سلمت وعاشت الايادي اخي
الغالي لهذا الطرح الجميل
وهذه الباقة الجميلة من الابيات

الامير سامر
31-01-2010, 01:25 PM
الله الله شكرا لك على الانتقاء المميز

رسول المحبه
19-02-2010, 10:23 PM
رائعه جدااااااااااا
يسلمووووووووو