المساعد الشخصي الرقمي

مشاهدة النسخة كاملة : الى محبوبتي



نسيت انساك
11-10-2009, 01:23 AM
***************

لان ماريــــــــد اشوفك يوم حزني
وتدري ابسيف هجرك ولك حزني
كلبك انت وحـــــــدك الي حزني
و (حيازه وحمل) سلمتك بديه
---------------------------
لو راسا تكلي ارجــوك هدنه
وتعاركني وتــريد انوب هدنه
ولك والله العشك وياك هدنه
مريض انه تعال اسال عليه
---------------------------
لو مره تمــــــــــر مثل الشماته
وانا لنحرك يالاسمـر وك شماته
ولك مغــــــرور كالولي بشماته
صحيح ابشامتك تنغر عليه ؟
------------------------------
لــــــــو تذكر رباي وياك والعن
ولا تنغر على اللي بيك والعن
فرضنا لــــو اسبك حيل والعن
مريض انه تعال اسال عليه
---------------------------

لـــــــو تعرفني احبك واشتمنك
ولان منطي للواشي وشتمنك
اريـــــد اليوم احضنك واشتمنك
واشوفك هم تذب روحك عليه
-------------------------
وشوف اشلون حالي منتسلني
ولكن سيف صــــدك منتسلني
الدمع يغلــب جوابي منتسلتي
اضحك بالجذب غصبن عليه
----------------------------
يا صاح طال هجرك مــر علينا
مو حتى الزاد بعدك مـر علينا
اذا بعدك تحبنا مــــــــر علينا
تعال وكروة التكسي علينه
-------------------------
سواد العين عكبك سال مني
وأعاند وي عذولي سالمني
جفوف هواي عكبك سالمني
ونارجفك ليهسه بين ايديه
-----------------------------
اريــــد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يحفظ كل اخو يذكر اخيه
----------------------------
يا شارع اشوفنـــــــك وه تادي
اريد اصرخ بعالي الحس ونادي
وحسرتي تحرك اليابس ونادي
يمته تمر يمحبوبي عليه
----------------------
كلب يعوضك يـــوم لا اثنين لا عشره
حبيبي صاحبي هلي وكـل العشيره
رحت هسه ونسيت الملح والعشره
ونسيت كل لحظه انت جنت ما بين اديه
------------------------------
رقيق وروحي وي الولف ورعه
حطيته بوســــط دلالي ورعه
لعد بابه رحت بهمومي ورعه
بسرب شوكي يريت يحن عليه
------------------------
صفت بــــــس للدمع عيني وكتبي
طره لعبت بيـــــه انتــــــــه وكتبي
طبعت اسمك على اوراقي وكتبي
وحكم حبك علي بس الاذيه
----------------------------
ربك يا ترف من حسنه شهداك
وينهياله اليضــوك بيوم شهداك
يحلــو الطول كل تاس شهداك
بسهم عينك يبو شفايف نديه
--------------------------
اريد الدنيه تصفــه وياي بس يوم
وشوفك يا كحيل العين بس يوم
تنوح امي عليه وصحت بس يوم
الذنب ذنب الدهر قاسي عليه
---------------------------
علي فسر جفن عينك وسلهم
روح بـــــــــروح خلاني وسلهم
دحاجي بلطـف جيرانك وسلهم
شكثر باليوم ينشدكم عليه
--------------------------
حد اسيوف هجرانك و سلهه
وهاك الروح مرمرهـه وسلهه
يمك ناس ناشدهــه وسلهه
بشرع من حللت هجرانك عليه
------------------------------
شبدينه عل النحبه ما يحبنه
مثل سمج طبعـه ما يحبنه
بارد يلتشربـــــه ماي حبنه
وشربت يلكلت مالح شويه
--------------------------
زرع ريان مــــــــــــــــن كلبي ترابه
ومثل طعـــــم العسل يا عالم ترابه
دللته يا خلك الله وعله ذراعي تربه
وجه غيري وخداه من بين اديه
----------------------------
نهرت النفــــــــــس ما تقبل نهاري
دموعي يكتن على خدودي نهاري
اكضي بالحزن بعـــــــــــدج نهاري
وباليالي لا تسئليني شيصير بيه
---------------------------------
شجه للنفس ما جره و مالي
و ملك الموت اشوفنه و مالي
بعـــد ما تنفع اولادي و مالي
بس الجفن حصتي من الدنيه









منقول

سلام الدراجي
11-10-2009, 07:14 AM
الله الله غيث ابوذيات رائعه
مشكور اخي الغالي
تحياتي الك ياورده

منى العراق
11-10-2009, 11:41 AM
كلمات جميله جدا
تسلم يمينك
ويسلم قلمك
تحيتي لك:66 (46):

شاكر الهلالي
11-10-2009, 04:42 PM
شكرا اخويه العزيز وتحياتي للمبدع
ابو نورس الطائي وبقية الشعراء 0

المهندس علي
11-10-2009, 05:11 PM
شكرا على الكلمات الحلوة
اختيار موفق اخ غيث
تحياتي لك

نسيت انساك
12-10-2009, 02:24 AM
شكرا لكم على المرور المعطر دمتم بخير تقبلو تحياتي الحاره مع اطيب الاماني