المساعد الشخصي الرقمي

مشاهدة النسخة كاملة : مجاراة في الابوذيه



عباس الفرطوسي
12-10-2009, 06:42 AM
قال قيس بن الملوح مخاطباً زوج حبيبته (ليلى): -

بربك هل ضممت اليك ليلى قبيلالصبح ام قبلت فاها
و هل رفت عليك قرون ليلى رفيف الاقحوانة في شذاها

فجاريته بهذه الابيات علها تروق لكم

أحببت ليلى والتقيت بزوجها ** فعانقته حباً بليلى لا به

عباس الفرطوسي

شيبي من الحزن بالراس ليلاي
ودمعي شما حبسته بان ليلاي
اذا ضميت ڴبل الصبح ليلاي
بعد شتريد تتبطر عليه ....

أحسَب مانمت فد يوم ليلاي
شيكض ڴلبي لون عليك ليلاي
عمت عينك شبڴت اليوم ليلاي
يريت شبكت وياها المنيه .....

يڴلبي شبيك من الضيم ضميت
وياما اسرار عالنمام ضميت
بربك صدڴ ليك الولف ضميت
وڴبل الصبح فاها ارشفت ميه ....

القبر تحت الثرى من كون ضميت
انا السر الحبيب بشرف ضميت
ابربك ليلى ليك الفجر ضميت ؟
وڴمت ترشف شفاها العامريه .....

اسير انا وبعدهي تصيح شبڴه
وخذت كل العمر ياناس شبڴه
الفجر من ليلى ماخذ صدڴ شبڴه
بربك لوصحيح احڇيها اليه ....

حبيبي اذكر البدمعه برباك
ولافد يوم لاحوالك برباك
اجيتك وارد احلفنك برباك
من حضنوك هم فكرت بيه ....

روحي اتفتت ڴلي شفتها
انسعد لو مره بعيوني شفتها
اذا حلڴي رشف مره شفتها
شيب الراس اضن مايضل بيه .....

روحي حسرتي صارت شفه الها
الدنيه ماثلم همي شفلها
احضنت ليلى و صدڴ راشف شفه الها ؟؟
احلفك ڴاعد برب البريه .....

قسم بالشمس من تضحى وفاها
اضن لاخر نفس ڴلبي وفاها
الصبح ضميتهاالصدرك وفاها
بحلڴك ذاب مايحمل اذيه ....

بهمي دوم اغني وصار بسته
اڴل للڴلب بس وعيب بسته
صدڴ من الحبيب الحلڴ بسته
وعلى صدرك غفت ليلاي هيه ....

عزيزي دوم اضحي العمر ليله
ابعيني الدمع من طرواه ليله
اذا شابڴ قبيل الصبح ليلى
ابربك رفت الملڴاك هيه ....

وحڴ دڴات البخدها وشمها
حبها اندڴ على ضلوعي وشمها
صدڴ هذا الحضن ليلى وشمها ؟؟؟
وينامون اعلى فد دوشگ سويه ....

اطبه الكون علتي ماشفتها
عميت وبخت غيري ماشفتها
ڇذب من باس هذا ماشفتها
شفايفها خلقها الله اليه ....

العله بڴلبي بس هيه شفتها
اعمه وكون بس هيه شفتها
عليها اعتب شلون انطت شفتها
وهيه الواعدتني اتضل اليه .....

ڴبل فرحه من اشوفه وشفته همنا
عشڴنا وانتهينا شفتهمنا !!
كل مشكله ماكو شفته همنا
تمصها شفاف موش شفاف اليه ....

جروحي من يشلها شلت ايده
وعجب كثره الخطايا شلت ايده
يريته من حضنها شلت ايده
ويريته انصاب بالعله الخفيه ....

كون احضى بهواها من حضنها
وشفت شڴد محنه من حضنها
يريته انشل رجلها من حضنها
بشلل ينصاب وتضل بس اليه .....

صدرت فتوى بكتلتي شفتها لك
واذاتنظر الشخصي شفته هالك
حضنتها ومنها ماخذ شفتها لك
شڴد طماع د قبل بالشويه ....

جلده هموم ڴلبي رقتالك
شفت سلمك حبيبي رقتالك
بجهل وانشد رجلها رقت الك ؟؟
يوم حضنت ولفي الخان بيه .....


جمرة كرب ڴلبي منشفاها
وعلتي خلاف عينڇ من شفاها ؟
اذا كبسول صاير من شفاها
مريض وعلتي كل الصيدليه ....


ال( ليلى ) بخير دوم ادعي رجلها
وروحي بعد ماضلش رجه الها
شاغت روحي من شافت رجلها
وتمنيت الڴبر ويه المنيه ......


عيوني حرمت عالنوم ليلاي
ودمع العين مثل النجم ليلاي
صدك نامت بحضن الغيرليلاي
بس عندي امل ترجع اليه .......

سلام الدراجي
12-10-2009, 10:38 AM
اخ عباس هذا هو الابداع الحقيقي
ابوذيات في غايه الروعه
احسنت ودام لنا قلمك الرائع
تحياتي مع مودتي

امير الاحزان:
12-10-2009, 10:56 AM
اخي عباس
هذا ابداع فوق الابداع
يحسدك القلم قبل العقل لانه جاد بهذا التميز
ربي يسعدك ويهنيك
ودوم الابداع والتألق
كن بخير لكي نكون
اخوك الامير

ام فيصل
12-10-2009, 11:59 AM
عاشت ايدك يامبدع
ابوذيات قمة بالإحساس والروعة
صح لسانك عزيزي
ودام لنا هذا التألق ايها العاشق

ننتظر جديدك القادم
مع خالص امنياتي

مريم جبران عودة
12-10-2009, 05:17 PM
بكل صراحة

يعجز القلم عن التعبير

فالإبداع هنا فوق المعتاد

لكم ولقلمكم تنحني كل الاقلام

كونوا دوما هنا

لنرتشف من عذب نبضكم

تقديري لكم

شاكر الهلالي
12-10-2009, 07:45 PM
غايه بالروعه يا مبدع يالفرطوسي

ابوذيات على الجرح ونظمها رائع 0

عباس الفرطوسي
14-10-2009, 06:39 AM
اخ عباس هذا هو الابداع الحقيقي
ابوذيات في غايه الروعه
احسنت ودام لنا قلمك الرائع
تحياتي مع مودتي

العزيز الغالي سلام الدراجي
متفضل علي اخي بمرورك الكريم ... دمت بخير

عباس الفرطوسي
14-10-2009, 07:15 AM
اخي عباس
هذا ابداع فوق الابداع
يحسدك القلم قبل العقل لانه جاد بهذا التميز
ربي يسعدك ويهنيك
ودوم الابداع والتألق
كن بخير لكي نكون
اخوك الامير



حياك الله اخي الامير وأطرائك الجميل انحني اليه ... هذا كثير جداً علي ... تحياتي ومودتي

عباس الفرطوسي
14-10-2009, 07:17 AM
عاشت ايدك يامبدع
ابوذيات قمة بالإحساس والروعة
صح لسانك عزيزي
ودام لنا هذا التألق ايها العاشق

ننتظر جديدك القادم
مع خالص امنياتي

الاخت الرائعه في كل شيء
افتقدت كلماتك الجميله هذه الايام .. لعل المانع خيراً اتمنى لك دوام الصحه والتميز

عباس الفرطوسي
15-10-2009, 08:21 AM
بكل صراحة

يعجز القلم عن التعبير

فالإبداع هنا فوق المعتاد

لكم ولقلمكم تنحني كل الاقلام

كونوا دوما هنا

لنرتشف من عذب نبضكم

تقديري لكم

كلماتك دائماً استوقف عندها مراراً وأتأمل في مضمونها ولا اجد كلمه تستطيع ان تعطي لردك حقه ... ادام الله تواجدك هنا اختي الغاليه

عباس الفرطوسي
15-10-2009, 08:24 AM
غايه بالروعه يا مبدع يالفرطوسي

ابوذيات على الجرح ونظمها رائع 0

حياك الله اخي شاكر وحيا الله البصره واهلها وبيوتها بيت بيت ... تحياتي لك اخي العزيز