المساعد الشخصي الرقمي

مشاهدة النسخة كاملة : زنجيل ((يا علي))



اميرالاحزان 1985
31-10-2009, 08:21 PM
ماهمني جو زمن انجان اللي ياعلي
واليوم احس الفرح كل الفرح ياعلي
ماخون انه ابعشرتي اشهد علي ياعلي


يامن تربي الدغش المن يعمي اتراب
دثرت جيحت مطرواتريد منهه اتراب
بس انت در ياعلي والناس كلهه اتراب


اكشور هاي الخلك وال رسول الباب
متمسك ابحبهم بس الى عنىه الباب
يا سامع ارى اسالك يا جف دحاه الباب


جف اللي كلهه النبي اهلن هله مرحبه
اوصدراصميده رحب يوم القتل مرحبه
بكلشي عادل علي حته ابطبر مرحبه


من طبر جسم العدوحامي الحمه عادله
يبتسم بالمعركه عقد الوله بالمعركه عادله
خسران ابد ما ربح كل الذي عادله


يامن تحبه هله و يا من تضده ولي
عليكباجرعلي اويايي حيدر ولي
والينه حامي الحمه او ما نرضه عيده ولي


انزيد بمحبته كل ما زمنه جار
خلينه لجلك علي عاشوك نشبع جار
جيرانك احنه ياعلي و انريدك حامي الجار


والوكت بوجهنه قفل ابوابه و سد
قلعه انته يابالحسن لجل اليحبك و سد
معرف بالمعركه فارس يحيدر و سد


عليت قلب العدو يخسه العدو عللك
تعرف ابكل العلل محد عرف عللك
رادوك تنصه علي اورب العرش عللك


لدين يا يو الحسن منهو الغيرك حمه
والما حوه المحبتك ركن تطكه حمه
يامن ابشده طحت كوم انخه حامي الحمه


ولا تسال عله الجرح شي النزف شده
بالصبر يا سامعي جرح الكلب شده
بس صيح يابه الحسن لا ما تضل شده


بس صحيتك الرب العرش ودهه
ولي تود الوصي يا سامعي ودهه
منهو الغيرك برز من صاح ابن ودهه


غير الصميده علي لا من برز وحد
وابركبته المرتضي نش الفقار وحد
وحق الى تعبده الكون وحد


اوحته اليضدك ندب وكت الشدد ياعلي


((شاعر ابومحمد المياحي))

مع تحياتي اميرالاحزان 1985

أنثى شرقية
31-10-2009, 08:35 PM
عاشت اناملك لتقلك الرائع
وماعدنه ولي غير ابو الحسن يوكف بكل شده

وننتظر جديدك دوما
تحياتي

طيبة النجف
01-11-2009, 07:44 AM
زنجيل رووووووووووووووووعة اخي الغالي امير الاحزان تقبل مروري

محتاره
01-11-2009, 10:00 AM
ماهمني جو زمن انجان اللي ياعلي
واليوم احس الفرح كل الفرح ياعلي
ماخون انه ابعشرتي اشهد علي ياعلي

الله على هالكلام

والله روووووعه

عاشت ايدك اخويه

مودتىى

امير الاحزان:
01-11-2009, 06:42 PM
باقة رائعة من الابوذيات
وانتقاء اروع
اتمنى لك دوم التواصل والتالق
تحياتي
اخوك الامير

اميرالاحزان 1985
01-11-2009, 09:43 PM
يسلمووووووووووووووووو على مروركم

منوووووووووووووورين

مع تحياتي اميرالاحزان 1985